തിരുവനന്തപുരം : അടുത്ത മാസം മുതല്‍ വിദ്യാലയങ്ങള്‍ പൂര്‍ണതോതില്‍ പ്രവര്‍ത്തനം പുനരാരംഭിക്കുന്ന സാഹചര്യത്തില്‍, മാര്‍ച്ചില്‍ പിഎസ്‌സി നിശ്ചയിച്ചിരുന്ന പരീക്ഷകള്‍ക്കു മാറ്റം. മാര്‍ച്ച് 2 ലെ മൈക്രോ ബയോളജിസ്റ്റ് പരീക്ഷ മാര്‍ച്ച് 27 ലേക്കും 3 ലെ വര്‍ക്ക് അസിസ്റ്റന്റ് പരീക്ഷ മാര്‍ച്ച് 6 ലേക്കും 4 ലെ ലാബ് അസിസ്റ്റന്റ് പരീക്ഷ മാര്‍ച്ച് 12 ലേക്കും മാറ്റി. 8 ലെ അഗ്രികള്‍ചറല്‍ ഓഫിസര്‍ പരീക്ഷ മാര്‍ച്ച് 6നു നടത്തും. 9 ലെ സോഷ്യല്‍ വര്‍ക്കര്‍ പരീക്ഷ മാര്‍ച്ച് 23 ലേക്കും 10 ലെ ഓപ്പറേറ്റര്‍ പരീക്ഷ മാര്‍ച്ച് 25 ലേക്കും 11 ലെ ടെക്‌നിഷ്യന്‍ ഗ്രേഡ് 2 പരീക്ഷ മാര്‍ച്ച് 24 ലേക്കും മാറ്റി. 14 ലെ എച്ച്എസ്ടി മാത്തമാറ്റിക്‌സ് പരീക്ഷ മാര്‍ച്ച് 25 ലേക്കും 18 ലെ ഫയര്‍മാന്‍ ട്രെയിനി മുഖ്യ പരീക്ഷ മാര്‍ച്ച് 13 ലേക്കും 19 ലെ എച്ച്എസ്ടി സോഷ്യല്‍ സയന്‍സ് പരീക്ഷ മാര്‍ച്ച് 27 ലേക്കും 22 ലെ കംപ്യൂട്ടര്‍ അസിസ്റ്റന്റ് മുഖ്യ പരീക്ഷ മാര്‍ച്ച് 26 ലേക്കും മാറ്റാനാണു തീരുമാനം. പരിഷ്‌കരിച്ച പരീക്ഷാ കലണ്ടര്‍ പിഎസ്‌സി വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.
