തിരുവനന്തപുരം > സംസ്ഥാനത്ത് ലോക്സഭ തെരഞ്ഞെടുപ്പിന്റെ ഭാഗമായി ഒരു മാസത്തിലേറെ നീണ്ടുനിന്ന തീപാറിയ പരസ്യ പ്രചാരണങ്ങള്ക്ക് ആവേശകരമായ കലാശക്കൊട്ട്. പരസ്യപ്രചാരണത്തിന്റെ കൊട്ടിക്കലാശത്തിന്റെ ഭാഗമായി മണ്ഡലങ്ങളിലെ പ്രധാന കേന്ദ്രങ്ങളിലെല്ലാം പാര്ടികളുടെ പ്രകടനങ്ങളും റോഡ്ഷോകളും അരങ്ങേറി. വൈകീട്ട് ആറുമണിയോടെ പരസ്യ പ്രചാരണങ്ങള് സമാപിച്ചു.
തുടര്ന്നുള്ള 48 മണിക്കൂര് നിശബ്ദപ്രചരണത്തിന്റേതാണ്. വെള്ളിയാഴ്ച കേരളം പോളിങ് ബൂത്തിലേക്കെത്തും. ജൂണ് നാലിനാണ് വോട്ടെണ്ണല്. 20 മണ്ഡലങ്ങളിലേക്ക് 194 സ്ഥാനാർഥികൾ അണിനിരക്കുന്ന മത്സരത്തിൽ 2.76 കോടി വോട്ടർമാർ സമ്മതിദാനാവകാശം വിനിയോഗിക്കും. വോട്ടെടുപ്പിന്റെ പശ്ചാത്തലത്തില് 4 ജില്ലകളില് നിരോധനാജ്ഞ പ്രഖ്യാപിച്ചിട്ടുണ്ട്.
