കുവൈത്ത് സിറ്റി: കുവൈത്തില് പ്രവാസിയെ ലിഫ്റ്റിനുള്ളില് മരിച്ച നിലയില് കണ്ടെത്തി. ഖൈത്താനിലെ ഒരു അപ്പാര്ട്ട്മെന്റ് കെട്ടിടത്തിലായിരുന്നു സംഭവം. ആത്മഹത്യയാണെന്നാണ് പ്രാഥമിക നിഗമനം. ലിഫ്റ്റിനുള്ളില് മൃതദേഹത്തിന് സമീപത്തുനിന്ന് ഒരു കത്തിയും കണ്ടെടുത്തിട്ടുണ്ട്. കെട്ടിടത്തിലെ താമസക്കാരിലൊരാളാണ് സുരക്ഷാ ഉദ്യോഗസ്ഥരെ വിവരമറിയിച്ചത്. അധികൃതര് സ്ഥലത്തെത്തി തുടര് നടപടികള് സ്വീകരിച്ചു.
