സംസ്ഥാനത്ത് പോളിങ് സമയം അവസാനിച്ചു. പലയിടത്തും അവസാന മണിക്കൂറില് സംഘര്ഷാവസ്ഥ. കനത്ത വേനല്ച്ചൂടിനിടയിലും മികച്ച പോളിങ് ആണ് സംസ്ഥാനത്ത് രേഖപ്പെടുത്തുന്നത്. ഒടുവിലെ കണക്കനുസരിച്ച് പോളിങ് 70 ശതമാനം കടന്നു. ആറുമണിക്കുള്ളില് ബൂത്തില് എത്തിയ എല്ലാവര്ക്കും വോട്ട് ചെയ്യാം. തിരക്കുള്ള സ്ഥലങ്ങളില് വോട്ടെടുപ്പ് എട്ടുമണി വരെ നീണ്ടേക്കാം. സംസ്ഥാനത്തെ എല്ലാ മണ്ഡലങ്ങളിലും പോളിംഗ് 65 ശതമാനം കടന്നു. കണ്ണൂരിലാണ് ഇത്തവണ ഏറ്റവും ഉയർന്ന പോളിംഗ് രേഖപ്പെടുത്തിയത്. കണ്ണൂർ മണ്ഡലത്തിൽ 75.32 ശതമാനം പേരാണ് ജനവിധി കുറിച്ചത്. പത്തനംതിട്ടയാണ് ഇക്കാര്യത്തിൽ ഏറ്റവും പിന്നിലായത്. പത്തനംതിട്ടയിൽ 63.32 ശതമാനം പേർ മാത്രമാണ് വോട്ട് രേഖപ്പെടുത്തിയത്. കണ്ണൂരിന് പുറമേ 10 മണ്ഡലങ്ങളിലും 70 ശതമാനത്തിലേറെ പോളിംഗ് ഉയർന്നു. ആലപ്പുഴ-74.14, ചാലക്കുടി-71.50, തൃശൂര്-71.70, പാലക്കാട്-72.20, ആലത്തൂര്-72.12, മലപ്പുറം-71.10, കോഴിക്കോട്-72.67, വയനാട്-72.52, വടകര 72.71, കാസര്ഗോഡ്-73.84 മണ്ഡലങ്ങളിലാണ് പോളിംഗ് ശതമാനം 70 കടന്നത്.
