തിരുവനന്തപുരം> കെഎസ്ആര്ടിസി ബസ് ഡ്രൈവറുടെ അധിക്ഷേപത്തിനെതിരെ പ്രതികരിച്ച മേയര് ആര്യ രാജേന്ദ്രനു നേരെ നടക്കുന്നത് തുടര്ച്ചയായ അശ്ലീല സൈബര് ആക്രമണം. കോണ്ഗ്രസ് പ്രൊഫൈലുകളില് നിന്നാണ് ആര്യ രാജേന്ദ്രന്റെ ഔദ്യോഗിക ഫെയ്സ്ബുക്ക് ഇന്സ്റ്റാഗ്രാം പേജുകളില് സൈബര് ആക്രമണം രൂക്ഷമായി തുടരുന്നത്.
മേയറും സഹോദരനുമായി നില്ക്കുന്ന ചിത്രത്തിന് താഴെയടക്കം ശനിയാഴ്ച മുതല് അശ്ലീല കമ്മന്റുകള് നിറയുകയാണ്. ഇതിനുപുറമെ മേയറുടെ ഔദ്യോഗിക നമ്പറിലേക്ക് അശ്ലീല സന്ദേശങ്ങള് അയക്കുന്നവരും നിരവധി.
കണ്ടാലറയ്ക്കുന്ന വാക്കുകളും ലൈംഗീക അധിക്ഷേപവുമാണ് സന്ദേശങ്ങളിലുള്ളത്. ശനിയാഴ്ചയുണ്ടായ സംഭവത്തിനു പിന്നാലെ ചില മാധ്യമങ്ങള് മേയര്ക്കെതിരെ തെറ്റായ വാര്ത്തകളാണ് പടച്ചുവിടുകയാണ്. ഈ വാര്ത്തകള് ചേര്ത്തുവെച്ചാണ് മേയര്ക്കെതിരെയുള്ള സൈബര് ആക്രമണം. സൈബര് ആക്രമണം അതിരു കടന്നതിനു പിന്നാലെ് മേയര് പരാതി നല്കി
