തൃശ്ശൂര്‍: യുവമോര്‍ച്ച നേതാവ് പെരിയമ്പലം മണികണ്ഠന്‍ കൊലക്കേസില്‍ രണ്ടാം പ്രതി പിടിയില്‍. ചാവക്കാട് പുതിയങ്ങാടി സ്വദേശി ബുക്കാറയില്‍ കീഴ്പ്പാട്ട് നസറുള്ള തങ്ങളെയാണ് വടക്കേക്കാട് പൊലീസ് അറസ്റ്റ് ചെയ്തത്.
പോപ്പുലര്‍ ഫ്രണ്ട് പ്രവര്‍ത്തകനായ പ്രതിയെ വടക്കേക്കാട് പൊലീസ് സ്റ്റേഷനിലെത്തിച്ച പ്രതിയെ ദേശീയ അന്വേഷണ ഏജൻസി (എന്‍.ഐ.എ) ചോദ്യം ചെയ്യുകയാണ്.
2004 ജൂണ്‍ 12നാണ് മണികണ്ഠനെ കൊലപ്പെടുത്തിയത്. വിചാരണ സമയത്ത് ഒളിവില്‍ പോയ നസറുള്ള വര്‍ഷങ്ങള്‍ക്ക് ശേഷമാണ് പിടിയിലാകുന്നത്. കേസിലെ ഒന്നാം പ്രതിയായ ഖലീലിനെ ജീവപര്യന്തം തടവിന് കോടതി ശിക്ഷിച്ചിരുന്നു.
യൂത്ത് കോണ്‍ഗ്രസ് നേതാവ് പുന്ന നൗഷാദിനെ കൊലപ്പെടുത്തിയ കേസിലെ 12-ാം പ്രതിയാണ് നസറുള്ള.
