കൊച്ചി : ഫോർട്ട് കൊച്ചിയിൽ നിന്ന് പുരാവസ്തുക്കൾ കണ്ടെത്തി. ഫോർട്ട് കൊച്ചി വാട്ടർ മെട്രോ പദ്ധതി പ്രദേശത്ത് നിന്നാണ് പുരാവസ്തുക്കൾ കണ്ടെടുത്തത്. കഴിഞ്ഞ ദിവസമാണ് പ്രദേശത്തെ നിർമ്മാണ പ്രവർത്തനങ്ങളുടെ ഭാഗമായി ഭൂമി കുഴിച്ചപ്പോഴാണ് അവശിഷ്ടങ്ങൾ കണ്ടത്. ചില ശിലകളാണ് കണ്ടെടുത്തത്. ഫോർട്ട് ഇമ്മാനുവലിന്റെ ഭാഗങ്ങളാണ് ലഭിച്ചതെന്നാണ് പ്രാഥമിക നിഗമനം.
കഴിഞ്ഞ വർഷം ഇതേ സ്ഥലത്ത് നിന്ന് പുരാവസ്തുക്കൾ ലഭിച്ചിരുന്നു. പ്രദേശത്തെ ഭൂമിക്കടിയിൽ കൂടുതൽ പുരാവസ്തുക്കൾ ഉണ്ടെന്ന് പൈതൃക സ്‌നേഹികൾ പറയുന്നു. സംസ്ഥാന ആർക്കിയോളജി വകുപ്പ് സ്ഥലത്ത് എത്തി പരിശോധന നടത്തി.
