കൊളസ്ട്രോൾ ആണോ നിങ്ങളുടെ പ്രശ്നം? കൊളസ്ട്രോള് കുറയ്ക്കാന് ജീവിതശൈലിയില് മാറ്റം വരുത്തുക എന്നതാണ് പ്രധാനമായും ചെയ്യേണ്ടത്. നിങ്ങളുടെ ദിനചര്യയില് നല്ല ശീലങ്ങള് ഉള്പ്പെടുത്തുന്നത് ചീത്ത കൊളസ്ട്രോള് കുറയ്ക്കാന് സഹായിക്കും. അത്തരത്തില് കൊളസ്ട്രോള് കുറയ്ക്കാൻ ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം.
- ഒന്ന്
- ഫൈബര് ധാരാളം അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തുന്നത് കൊളസ്ട്രോളിനെ നിയന്ത്രിക്കാന് സഹായിക്കും. ഇതിനായി ഓട്സ്, പച്ചക്കറികള്, പയറു വര്ഗങ്ങള്, ആപ്പിള്, പിയര് തുടങ്ങിയവ പതിവാക്കാം.
- രണ്ട്
- റെഡ് മീറ്റ് പോലെയുള്ള അനാരോഗ്യകരമായ കൊഴുപ്പ് അടങ്ങിയ ഭക്ഷണങ്ങളുടെ ഉപയോഗം ഒഴിവാക്കുക. പകരം ഒമേഗ 3 ഫാറ്റി ആസിഡ് പോലെയുള്ള ആരോഗ്യകരമായ കൊഴുപ്പ് അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്താം. ഫാറ്റി ഫിഷ്, ഒലീവ്, അവക്കാഡോ, നട്സ്, ഫ്ലാക്സ് സീഡ്, ചിയാ സീഡ് തുടങ്ങിയവ കഴിക്കുന്നത് കൊളസ്ട്രോള് കുറയ്ക്കാൻ ഗുണം ചെയ്യും.
- മൂന്ന്
- പതിവായി വ്യായാമം ചെയ്യുന്നത് കൊളസ്ട്രോള് കുറയ്ക്കാന് സഹായിക്കും. ദിവസവും 30 മിനിറ്റ് എങ്കിലും വ്യായാമം ചെയ്യുക.
- നാല്
- പ്രോസസിഡ് ഭക്ഷണങ്ങള്, മധുരവും എണ്ണയും അടങ്ങിയ ഭക്ഷണങ്ങള് എന്നിവ പരമാവധി ഒഴിവാക്കുക. ഡയറ്റില് നിന്നും സോഡിയത്തിന്റെ അളവും കുറയ്ക്കുക.
- അഞ്ച്
- അമിതമായി ഭക്ഷണം കഴിക്കാതെ, മിതമായ അളവില് കഴിക്കുക. അതുപോലെ ശരീരഭാരം കൂടാതെ നോക്കുക.
- ആറ്
- വെള്ളം ധാരാളം കുടിക്കുക. ഇത് വിശപ്പ് കുറയ്ക്കാനും ശരീരഭാരം നിയന്ത്രിക്കാനും കൊളസ്ട്രോള് കുറയ്ക്കാനും സഹായിക്കും.
- ഏഴ്
- ഗ്രീന് ടീ ഡയറ്റില് ഉള്പ്പെടുത്തുന്നചും ചീത്ത കൊളസ്ട്രോളിനെ കുറയ്ക്കാന് സഹായിക്കും. ഗ്രീന് ടീയില് അടങ്ങിയിരിക്കുന്ന ആന്റി ഓക്സിഡന്റുകളാണ് കൊളസ്ട്രോള് തോത് കുറയ്ക്കാന് ഗുണം ചെയ്യുന്നത്.
- എട്ട്
- വെളുത്തുള്ളി, കറുവാപ്പട്ട തുടങ്ങിയ കൊളസ്ട്രോള് തോത് കുറയ്ക്കാന് സഹായിക്കുന്ന ഘടകങ്ങള് അടങ്ങിയ സുഗന്ധവ്യഞ്ജനങ്ങള് ഡയറ്റില് ഉള്പ്പെടുത്തുക.
- ഒമ്പത്
- സ്ട്രെസ് കൊളസ്ട്രോള് കൂടാന് കാരണമാകും. അതിനാല് മാനസിക സമ്മര്ദ്ദം കുറയ്ക്കാന് യോഗ പോലെയുള്ള കാര്യങ്ങള് ശീലമാക്കുക.
ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം നിങ്ങളുടെ ആഹാരക്രമത്തില് മാറ്റം വരുത്തുക.
