തിരുവനന്തപുരം: സംസ്ഥാനത്ത് ഐ.എ.എസ് ഉദ്യോഗസ്ഥ തലത്തിൽ മാറ്റം. വയനാട് കലക്ടർ രേണു രാജിനെ എസ്.ടി വകുപ്പ് ഡയറക്ടറായി സ്ഥലം മാറ്റി. പകരം മേഘശ്രീ വയനാട് കലക്ടറായി ചുമതലയേൽക്കും. ഡോ. അഥീല അബ്ദുല്ല കൃഷി വകുപ്പ് ഡയറക്ടറാകും.
മേഘശ്രീ കർണാടക സ്വദേശിയാണ്. വയനാട് ജില്ലയിലെ വന്യമൃഗ ശല്യത്തിന് പരിഹാരം കാണാനുള്ള ശ്രമത്തിന്‍റെ ഭാഗമായാണ് വയനാട്ടിൽ നിയമിച്ചിരിക്കുന്നത്. ബി. അബ്ദുൽ നാസറാണ് പുതിയ ഫിഷറീസ് ഡയറക്ടർ.
