കോട്ടയം> ബിവറേജസ് കോർപ്പറേഷന്റെ സൂപ്പർമാർക്കറ്റിൽ നിന്നും മദ്യം മോഷ്ടിച്ചയാളെ പൊലീസ് അറസ്റ്റ് ചെയ്തു. മണിപ്പുഴയിലുള്ള സൂപ്പർമാർക്കറ്റിൽ നിന്നായിരുന്നു മോഷണം. തിരുവനന്തപുരം പേരൂർക്കട സ്വദേശി ടി എം വിഷ്ണു (30) വിനെയാണ് പൊലീസ് അറസ്റ്റ് ചെയ്തത്. ഹെൽമെറ്റ് ധരിച്ചെത്തിയായിരുന്നു മോഷണം.
60,000 രൂപ വിലവരുന്ന വ്യത്യസ്ത ബ്രാൻഡിലുള്ള മദ്യം പല ദിവസങ്ങളിലായി മോഷ്ടിക്കുകയായിരുന്നു ഇയാൾ. മദ്യം മോഷണം പോയത് കണ്ടെത്തിയതിനെത്തുടർന്ന് ജീവനക്കാർ ചിങ്ങവനം പൊലീസിൽ നൽകിയ പരാതിയെതുടർന്നായിരുന്നു അറസ്റ്റ്.
സിസിടിവി പരിശോധനയിൽ നിന്നാണ് യുവാവിനെ തിരിച്ചറിഞ്ഞത്. തുടർന്നുണ്ടായ തിരിച്ചിലിലായിരുന്നു പ്രതിയെ പിടികൂടിയത്. ചിങ്ങവനം സ്റ്റേഷൻ എസ്ഐ സജീർ, സദക്കത്തുള്ള, എഎസ്ഐ അനിൽ, സിപിഒ സത്താർ എന്നിവർ ചേർന്ന് പ്രതിയെ അറസ്റ്റ് ചെയ്തത് കോടതിയിൽ ഹാജരാക്കിയത്.
