ആലപ്പുഴ: അമ്പലപ്പുഴ പൊലീസ് സ്റ്റേഷനിൽ പൊലീസും ഡിവൈഎഫ്ഐ-സിപിഎം പ്രവർത്തകരും തമ്മിൽ വാക്കേറ്റം. ഇരുവിഭാഗത്തിലെയും പ്രവർത്തകർക്കെതിരെ പൊലീസ് കേസെടുത്തു. പൊതുസ്ഥലത്ത് മദ്യപിച്ചവരെ അറസ്റ്റ് ചെയ്തതതിനെ തുടര്ന്നായിരുന്നു വാക്കേറ്റം.കാറിലിരുന്ന് മദ്യപിച്ചതിന് പിടികൂടിയ യുവാക്കളെ ഇറക്കാനായി സ്റ്റേഷനിൽ എത്തിയതായിരുന്നു സിപിഎം ഡിവൈഎഫ്ഐ പ്രവർത്തകർ. സിപിഎം ജില്ലാ സെക്രട്ടറി ആര് നാസർ ഉൾപ്പടെ അമ്പലപ്പുഴ സ്റ്റേഷനിലെത്തി. കൂടുതൽ പ്രവർത്തകർ എത്തിയതോടെ തർക്കമായി. പൊലീസിനെ അസഭ്യം പറയൽ, സംഘം ചേർന്ന് ലഹള ഉണ്ടാക്കൽ എന്നീ വകുപ്പുകൾ പ്രകാരമാണ് നിലവില് ഡിവൈഎഫ്ഐ-സിപിഎം പ്രവർത്തകര്ക്കെതിരെ പൊലീസ് കേസെടുത്തിരിക്കുന്നത്. അതേസമയം, പൊലീസ് മർദിച്ചെന്ന് ഡിവൈഎഫ്ഐ, സിപിഎം പ്രവർത്തകൾ ആരോപിച്ചു. പൊലീസുകാർ കുറ്റക്കാരെന്ന് കണ്ടെത്തിയാൽ നടപടിയെടുക്കാമെന്ന് ഡിവൈഎഫ്ഐ ഉറപ്പ് നൽകിയതോടെ പ്രവർത്തകർ പിരിഞ്ഞു പോയി.
