കൊച്ചി: ജയിലിൽ കയറി തടവുകാരന്റെ മൊഴി റെക്കോഡ് ചെയ്യാൻ ശ്രമിച്ചെന്ന രണ്ട് മാധ്യമ പ്രവർത്തകർക്കെതിരായ കേസ് ഹൈക്കോടതി റദ്ദാക്കി. 2013 ൽ സോളാർ കേസിൽ പത്തനംതിട്ട ജില്ലാ ജയിലിൽ കഴിഞ്ഞിരുന്ന ജോപ്പന്റെ മൊഴി മൊബൈൽ ഫോണിൽ റെക്കോർഡ് ചെയ്യാൻ ശ്രമിച്ചെന്ന കേസിലാണ് ടിവി ചാനൽ പ്രവർത്തകർക്കെതിരെയുളള കേസ് ജസ്റ്റിസ് പിവി കുഞ്ഞികൃഷ്ണൻ റദ്ദാക്കിയത്. മാധ്യമ സ്വാതന്ത്ര്യം ഇല്ലാതാകുന്നത് ജനാധിപത്യത്തിന്റെ അന്ത്യമാണ്. എന്നാൽ ചെറിയ പിഴവ് പോലും പറ്റാതെ മാധ്യമ പ്രവർത്തകർ ജാഗ്രത പാലിക്കണമെന്നും ഹൈക്കോടതി നിർദേശിച്ചു.
