കണ്ണൂര് : യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തിലിന്റെ പ്രസംഗം ഫേയ്സ്ബുക്കില് ഷെയര് ചെയ്ത സംഭവത്തില് കണ്ണൂരില് പോലീസ് ഉദ്യോഗസ്ഥനെതിരെ അന്വേഷണം. കണ്ണൂര് തളിപ്പറമ്പ് പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ പ്രിൻസിനെതിരെയാണ് നീക്കം. സംഭവം പോലീസിന്റെ രാഷ്ട്രീയ നിക്ഷ്പക്ഷതക്ക് കളങ്കം വരുത്തിയെന്നാണ് ജില്ലാ പോലീസ് മേധാവി കണ്ടെത്തൽ. സംഭവത്തില് അന്വേഷണം നടത്തി റിപ്പോർട്ട് നൽകാൻ ചെറുപുഴ സി ഐക്ക് ജില്ലാ പോലീസ് മേധാവി നിര്ദേശം നല്കി. ഒരാഴ്ചക്കക്കം കുറ്റാരോപണ മെമ്മോ നൽകണമെന്നും ജില്ലാ പോലീസ് മേധാവിയുടെ ഉത്തരവുണ്ട്. രാഹുല് മാങ്കൂട്ടത്തിലിന്റെ പ്രസംഗം പോലീസ് ഉദ്യോഗസ്ഥൻ തന്റെ ഫേയ്സ്ബുക്ക് പേജില് ഷെയര് ചെയ്യുകയായിരുന്നു.
