വയനാട് : എംപിയായി തിരഞ്ഞെടുക്കപ്പെട്ടാൽ വയനാടിന് വേണ്ടി ജീവൻ കൊടുത്തും പ്രവർത്തിക്കുമെന്ന് ഉറപ്പ് നൽകി പ്രിയങ്ക ഗാന്ധി. രാഹുൽ ഗാന്ധിയുടെ വഴിയേ പോരാട്ടം തുടരുമെന്നും എല്ലാ പ്രശ്നങ്ങളിലും പരിഹാരം ഉണ്ടാക്കാൻ ശ്രമിക്കുമെന്നും പ്രിയങ്ക ഗാന്ധി പറഞ്ഞു. കർഷകവിഷയങ്ങൾ പരിഹരിക്കാനാകും മുൻതൂക്കമെന്നും പ്രിയങ്ക വ്യക്തമാക്കി. വയനാട്ടിൽ കാർഷിക മേഖലയിലെ വികസനത്തിന് ഊന്നൽ, വിപണിയിൽ കർഷകർക്ക് അവസരം ലഭ്യമാക്കൽ, വിനോദ സഞ്ചാരമേഖലയുടെ വികസനം എന്നിവയെല്ലാമാണ് വയനാടിനെ ശക്തിപ്പെടുത്താനുള്ള മാർഗ്ഗമായി പരിഗണിക്കുന്നത്. ഇവയിലടക്കം രാഹുൽ ഗാന്ധിയുടെ വഴിയേ പോരാട്ടം തുടരുമെന്നും എല്ലാ പ്രശ്നങ്ങളിലും പരിഹാരമുണ്ടാക്കാൻ ശ്രമിക്കുമെന്നും പ്രിയങ്ക പറഞ്ഞു.
