നാദാപുരം : ചെക്യാട് പഞ്ചായത്തിലെ കണ്ടി വാതുക്കലില്‍ കാര്‍ കൊക്കയിലേക്ക് മറിഞ്ഞു രണ്ട് പേര്‍ക്ക് പരിക്ക്. മൊകേരി സ്വദേശി ബാബു (61), കല്ലാച്ചി സ്വദേശി കുഞ്ഞിക്കണ്ണന്‍ (72) എന്നിവര്‍ക്കാണ് പരിക്കേറ്റത്. നാലു പേരാണ് കാറിലുണ്ടായിരുന്നത്. ഗുരുതര പരിക്കേറ്റ ബാബു കാറില്‍ നിന്ന് ഡോര്‍ തുറന്ന് പുറത്തേക്ക് തെറിച്ച് പോകുകയായിരുന്നു.
കണ്ടിവാതുക്കലിന് സമീപം പനോലക്കാവില്‍ ചെങ്കുത്തായ കയറ്റം കയറുന്നതിനിടെ കാര്‍ പിന്നിലേക്ക് ഉരുളുകയും റോഡില്‍ നിന്ന് തെന്നി മാറി 30 മീറ്ററോളം താഴ്ചയിലേക്ക് മറിയുകയായിരുന്നു.
