തിരുവനന്തപുരം : റെക്കോര്ഡുകള് ഭേദിച്ച് മുന്നേറിയിരുന്ന സ്വര്ണവിലയ്ക്ക് ഇന്ന് സഡന് ബ്രേക്ക്. സംസ്ഥാനത്ത് ഇന്ന് സ്വര്ണവിലയില് നേരിയ കുറവ് രേഖപ്പെടുത്തി. ഒരു പവന് സ്വര്ണത്തിന് 360 രൂപയും ഒരു ഗ്രാം സ്വര്ണത്തിന് 45 രൂപയുമാണ് കുറഞ്ഞിരിക്കുന്നത്. ഇതോടെ ഒരു പവന് സ്വര്ണത്തിന് 64200 രൂപയായി. ഗ്രാം ഒന്നിന് 8025 രൂപ എന്ന നിരക്കിലാണ് ഇന്നത്തെ വില്പ്പന പുരോഗമിക്കുന്നത്. വെള്ളിവിലയില് ഇന്നും മാറ്റമില്ലാതെ തുടരുകയാണ്. ഗ്രാമിന് 108 രൂപയിലാണ് ഇന്ന് വില്പ്പന നടക്കുന്നത്.
