എറണാകുളം : പൾസർ സുനി സ്ഥിരം കുറ്റവാളിയെന്ന് പോലീസിന്റെ റിപ്പോർട്ട്. ഹോട്ടലിൽ അതിക്രമം നടത്തിയ കേസിന്റെ പശ്ചാത്തലത്തിലാണ് കുറുപ്പുംപടി പോലീസ് ക്രൈബ്രാഞ്ചിന് റിപ്പോർട്ട് നൽകിയത്. പോലീസ് റിപ്പോർട്ടിന്റെ അടിസ്ഥാനത്തിൽ നടിയെ ആക്രമിച്ച കേസിലെ പൾസർ സുനിയുടെ ജാമ്യം റദ്ദ് ചെയ്യണമെന്ന് ആവശ്യപ്പെടും.
ഹോട്ടലില്‍ കയറി ബഹളം വെച്ചതിനും ജീവനക്കാരെ അസഭ്യം പറഞ്ഞതിനുമാണ് നടിയെ ആക്രമിച്ച കേസിലെ മുഖ്യപ്രതി പള്‍സര്‍ സുനിക്കെതിരെ കേസെടുത്തത്. നിലവില്‍ നടിയെ ആക്രമിച്ച കേസില്‍ ജാമ്യത്തിലാണ് പള്‍സര്‍ സുനി.
