വയനാട് : വയനാട് മാനന്തവാടി പിലാക്കാവ് മണിയൻകുന്നിൽ വീണ്ടും കടുവ സാന്നിധ്യം. തൃശിലേരി റോഡിൽ തേയിലത്തോട്ടത്തോട് ചേർന്നാണ് കടുവയെ കണ്ടത്. ജനവാസമേഖലയോട് ചേർന്നുള്ള തോട്ടത്തിലാണ് നാട്ടുകാർ കടുവയെ കണ്ടത്. മുൻപും ഇവിടെ കടുവ സാന്നിധ്യമുണ്ടായിട്ടുണ്ട്. ജനുവരിയിൽ കടുവയുടെ ആക്രമണത്തിൽ കൊല്ലപ്പെട്ട രാധയുടെ മൃതദേഹം ലഭിച്ച പഞ്ചാരക്കൊല്ലിക്ക് സമീപമാണ് മണിയൻകുന്ന്. കാപ്പിക്കുരു പറിക്കുകയായിരുന്ന രാധയെ പതിയിരുന്ന കടുവ ആക്രമിക്കുകയായിരുന്നു.
