തിരുവനന്തപുരം : എഴുപത്തിയഞ്ച് വയസ് കഴിഞ്ഞവരെ സംസ്ഥാന കമ്മിറ്റിയില് നിന്ന് ഒഴിവാക്കി സിപിഐഎം. പിണറായി വിജയന് ഒഴികെ പ്രായപരിധി പിന്നിട്ട എല്ലാവരേയും കമ്മിറ്റിയില് നിന്ന് ഒഴിവാക്കി. ഇതോടെ ചരിത്രപരമായ തലമുറ മാറ്റത്തിനാണ് സിപിഐഎം തയാറെടുക്കുന്നത്. മുന്മന്ത്രിയും മുതിര്ന്ന നേതാവുമായ ജി.സുധാകരനെ സിപിഐഎം സംസ്ഥാന കമ്മിറ്റിയില് നിന്ന് ഒഴിവാക്കി.
എഴുപത്തിയഞ്ച് വയസു പിന്നിട്ട പശ്ചാത്തലത്തിലാണ് ജി.സുധാകരനെ ഒഴിവാക്കിയതെന്നാണ് പാര്ട്ടി വൃത്തങ്ങള് അറിയിക്കുന്നത്. എന്നാല് പാര്ട്ടി സംസ്ഥാന സമ്മേളനത്തിന് തൊട്ടുമുന്പ് തന്നെ സംസ്ഥാന കമ്മിറ്റിയില് നിന്ന് ഒഴിവാക്കണമെന്ന് ആവശ്യപ്പെട്ട് ജി.സുധാകരന് സംസ്ഥാന കമ്മിറ്റിയ്ക്ക് കത്തു നല്കിയിരുന്നു. ആനത്തലവട്ടം ആനന്ദന്, വൈക്കം വിശ്വന്, കെ.ജെ.തോമസ്, പി.കരുണാകരന്, എം.എം.മണി, കോലയക്കോട് കൃഷ്ണന്നായര്, ആര്.ഉണ്ണികൃഷ്ണപിള്ള, കെ.വി.രാമകൃഷ്ണ്, കെ.പി.സഹദേവന്, സി.പി.നാരായണന്, പി.പി.വാസുദേവന്, എം.ചന്ദ്രന് എന്നിവരേയും സംസ്ഥാന കമ്മിറ്റിയില് നിന്ന് ഒഴിവാക്കി.
