കൊട്ടിയം : പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച് നഗ്നദൃശ്യങ്ങൾ പകർത്തിയ യുവാവിനെ തമിഴ്നാട്ടിൽനിന്ന് അറസ്റ്റ് ചെയ്തു. കൊല്ലം കളീക്കൽ കടപ്പുറത്ത് സാദിഖ് (35) ആണ് അറസ്റ്റിലായത്. ഒളിവിൽക്കഴിഞ്ഞ തമിഴ്നാട്ടിലെ കടലൂരിൽനിന്ന് ഇരവിപുരം പോലീസാണ് പിടികൂടിയത്. പെൺകുട്ടിക്ക് മൊബൈൽ ഫോൺ വാങ്ങിക്കൊടുത്തശേഷം അശ്ലീലദൃശ്യങ്ങൾകാട്ടി പ്രലോഭിപ്പിച്ച് പലതവണ പീഡിപ്പിക്കുകയായിരുന്നു. കഴിഞ്ഞ ഡിസംബറിൽ നഗ്നദൃശ്യങ്ങൾ പകർത്താൻ ശ്രമിച്ചത് പെൺകുട്ടി എതിർത്തപ്പോൾ ദേഹോപദ്രവം ഏൽപ്പിച്ചതായും പോലീസ് പറയുന്നു. സിറ്റി പോലീസ് കമ്മിഷണറുടെ നിർദേശപ്രകാരം ഇരവിപുരം പോലീസ് ഇൻസ്പെക്ടർ അനിൽകുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. കോടതി ഇയാളെ റിമാൻഡ് ചെയ്തു.
