ബെയ്ജിങ് : തകർന്നുവീണ ചൈനീസ് വിമാനത്തിന്റെ കൂടുതൽ അവശിഷ്ടങ്ങൾ കണ്ടെത്തി. കഴിഞ്ഞ ആഴ്ചയാണ് 132 യാത്രക്കാരുമായി പറക്കുകയായിരുന്ന എംയു 5735 വിമാനം മലയോരത്ത് തകർന്നുവീണത്. വിമാനത്തിന്റെ 36,000ത്തിലധികം ഭാഗങ്ങളാണ് കണ്ടെത്തിയത്.
ബ്ലാക്ക് ബോക്സ് പരിശോധിച്ചാൽ മാത്രമെ അപകടത്തിന്റെ കാരണം വ്യക്തമാകൂ എന്ന് സിവിൽ ഏവിയേഷൻ അഡ്മിനിസ്ട്രേഷൻ സുരക്ഷാ മേധാവി സു താവോ പറഞ്ഞു. കൂടുതൽ അവശിഷ്ടങ്ങൾ കണ്ടെത്തുന്നതിനും തെളിവുകൾ ശേഖരിക്കുന്നതിനും ശ്രമം തുടരുകയാണ്. രണ്ട് ബ്ലാക്ക് ബോക്സുകൾ കണ്ടെത്തിയെന്നും അദ്ദേഹം പറഞ്ഞു.15,000 പേരാണ് തിരച്ചിൽ ദൗത്യം നടത്തുന്നത്. 28 വർഷത്തിനിടെ ചൈനയിലുണ്ടാകുന്ന ഏറ്റവും വലിയ വിമാനദുരന്തമാണിത്.
