മലപ്പുറം : കരിപ്പൂർ വിമാനത്താവള വികസനത്തിന് അതിവേഗം ഭൂമി ലഭ്യമാക്കാൻ സംസ്ഥാന സർക്കാർ നീക്കം. റൺവേ വികസനത്തിനു കേന്ദ്ര വ്യോമയാന മന്ത്രാലയം 18 ഏക്കർ ഭൂമി ആവശ്യപ്പെട്ടിരുന്നു. ഭൂമി ഏറ്റെടുക്കൽ വേഗത്തിലാക്കാൻ മന്ത്രി വി.അബ്ദുറഹിമാനെ മുഖ്യമന്ത്രി ചുമതലപ്പെടുത്തി.
റൺവേയുടെ നീളം വർധിപ്പിക്കാതെ വലിയ വിമാനങ്ങളുടെ സർവീസ് പുനരാരംഭിക്കാനാവില്ലെന്ന് കേന്ദ്ര വ്യോമയാനമന്ത്രി ജ്യോതിരാദിത്യ സിന്ധ്യ അറിയിച്ചിരുന്നു. മന്ത്രി വി.അബ്ദുറഹിമാൻ തിങ്കളാഴ്ച മലപ്പുറത്ത് അടിയന്തര യോഗം വിളിച്ചു.
