ന്യൂഡൽഹി: പുണെ ആസ്ഥാനമായുള്ള സീറം ഇൻസ്റ്റിറ്റ്യൂട്ട് ഉൽപാദിപ്പിച്ച കോവോവാക്സ് കോവിഡിനെതിരായ ദേശീയ വാക്സിനേഷൻ പദ്ധതിയുടെ ഭാഗമാക്കാൻ വാക്സിനേഷൻ സാങ്കേതിക ഉപദേശക സമിതി ശുപാർശ ചെയ്തു. 12 വയസ്സിനു മുകളിലുള്ളവരുടെ വാക്സിനേഷനാണു കോവോവാക്സ് ഉപയോഗിക്കുക.
പദ്ധതിയുടെ ഭാഗമാക്കാൻ അനുമതി തേടി സീറം ഇൻസ്റ്റിറ്റ്യൂട്ട് അടുത്തിടെ കേന്ദ്ര ആരോഗ്യ മന്ത്രാലയത്തെ സമീപിച്ചിരുന്നു. യുഎസ് വാക്സീൻ ഉൽപാദകരായ നോവവാക്സുമായി സഹകരിച്ചാണ് ഇന്ത്യയിൽ കോവോവാക്സ് ഉൽപാദിപ്പിക്കുന്നത്.
