കണ്ണൂർ: സിപിഎം പാർട്ടി കോൺഗ്രസിന്റെ ഭാഗമായുള്ള സെമിനാറിൽ മുതിർന്ന കോൺഗ്രസ് നേതാവ് കെ.വി.തോമസ് പങ്കെടുത്തേക്കും. സെമിനാറിൽ കെ.വി.തോമസിന്റെ പേരു വീണ്ടും ഉൾപ്പെടുത്തി. കോൺഗ്രസ് എംപി ശശി തരൂരിന്റെ പേര് ഒഴിവാക്കി. തരൂർ പങ്കെടുക്കേണ്ട സെമിനാറിലാണ് കെ.വി.തോമസിന്റെ പേര് ഉൾപ്പെടുത്തിയത്.
സിപിഎം സെമിനാറിൽ പങ്കെടുക്കരുതെന്ന് ശശി തരൂരിനും കെ.വി.തോമസിനും കോൺഗ്രസ് ഹൈക്കമാൻഡ് നിർദേശം നൽകിയിരുന്നു. എന്നാൽ, പങ്കെടുക്കുന്നതു സംബന്ധിച്ചു തീരുമാനമെടുക്കാൻ ഇനിയും സമയമുണ്ടെന്ന നിലപാടിലാണ് കെ.വി.തോമസ്.
