കൊല്ലം : അങ്കമാലി തുറവൂരില് വീട്ടമ്മയെ പറമ്പിൽ പോള്ളലേറ്റ് മരിച്ച നിലയില് കണ്ടെത്തി. തുറവൂര് കാളിയാര് കുഴി ചെത്തിമറ്റത്തില് സിസലിയാണ് മരിച്ചത്. രാവിലെ വീട്ടിനടുത്ത കൃഷിയിടത്തില് പൊള്ളലേറ്റ് കിടക്കുന്നത് കണ്ട് നാട്ടുകാര് പോലീസില് വിവരമറിയിക്കുകയായിരുന്നു. പോലീസും ഫയര്ഫോഴ്സുമെത്തി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തെകുറിച്ച് അങ്കമാലി പൊലീസ് അന്വേഷണം തുടങ്ങി. മൂത്ത മകനും കുടുംബത്തിനുമൊപ്പമാണ് സിസലി താമസിച്ചിരുന്നത്. മകനുമായി സ്വത്തുതര്ക്കമുണ്ടായിരുന്നുവെന്ന് നാട്ടുകാര് മൊഴി നല്കിയിട്ടുണ്ട്. ഇതാണോ മരണത്തിനിടയാക്കിയതെന്ന് പോലീസ് സംശയിക്കുന്നു.
