തിരുവനന്തപുരം: ലാവലിൻ കേസ് തുടർച്ചയായി മറ്റിവയ്ക്കുന്നിൽ ദുരൂഹത ആരോപിച്ച് ബെന്നി ബഹ്നാൻ എം.പി. പിണറായി വിജയനെ കേസിൽ നിന്ന് ഒഴിവാക്കിയതിനെതിരെ 2017-ലാണ് സിബിഐ സുപ്രീംകോടതിയെ സമീപിച്ചത്. അന്നുമുതൽ ഇന്നുവരെ മുപ്പതിലേറെ തവണ ഈ കേസ് മാറ്റിവച്ചു. രാഷ്ട്രീയ നേതാക്കൾ ഉൾപ്പെട്ട അഴിമതി കേസുകൾ അതിവേഗം പരിഗണിക്കണമെന്ന സുപ്രീം കോടതി ഉത്തരവ് നിലനിൽക്കെയാണിത്. കേട്ടുകേൾവിയില്ലാത്ത ഈ നടപടിക്കെതിരെ ചീഫ് ജസ്റ്റിസിനും പ്രധാനമന്ത്രിക്കും പരാതി നൽകുമെന്നും ആവശ്യമെങ്കിൽ കേസിൽ കക്ഷി ചേരുമെന്നും ബെന്നി ബഹ്നാൻ പറഞ്ഞു. സിബിഐയുടെ ആവശ്യപ്രകാരമാണ് കൂടുതൽ തവണയും ലാവ്ലിൻകേസ് മാറ്റിവച്ചിട്ടുള്ളത്.
