കോഴിക്കോട് : താമരശ്ശേരി മിനി ബൈപ്പാസിൽ സ്കൂട്ടര് നിയന്ത്രണം വിട്ട് റോഡരികിലേക്ക് വീണ് യുവാവ് മരിച്ചു. കൊയിലാണ്ടി അരിക്കുളം ചേത്തില് മീത്തല് രത്നാകരന്റെയും ഓമനയുടെയും മകന് റിനീഷ് (33) ആണ് മരിച്ചത്. തിങ്കള് രാത്രി പതിനൊന്നരയോടെ താമരശ്ശേരി മിനി ബൈപ്പാസില് സ്വകാര്യ ആശുപത്രിക്ക് മുന്വശത്തായിരുന്നു അപകടം. ഉടന് തന്നെ നാട്ടുകാര് റിനീഷിനെ താമരശ്ശേരി താലൂക്ക് ആശുപത്രിയില് എത്തിച്ചെങ്കിലും മരിച്ചു. കൊയിലാണ്ടിയിൽ നിന്നും താമരശ്ശേരി കെടവൂരിലെ ഭാര്യവീട്ടിലേക്ക് പോകവെയാണ് റിനീഷ് അപകടത്തിൽപ്പെട്ടത്.
ഭാര്യ: ആതിര. മകൻ: ഹരിഗോവിന്ദ്.
