ലക്നൗ : ബോളിവുഡ് താരം സല്മാന് ഖാനുമായുള്ള രൂപസാദൃശ്യത്തിന്റെ പേരില് പ്രശസ്തനായ അസം അന്സാരി, പൊതുസ്ഥലത്തെ ക്രമസമാധാനം തകര്ത്തിന് അറസ്റ്റില്. വിഡിയോ ചിത്രീകരണത്തിനായി ഷർട്ടിടാതെ റോഡിൽ നൃത്തം ചെയ്തതിനാണ് ഇയാളെ ലക്നൗ പൊലീസ് അറസ്റ്റ് ചെയ്തത്.
ഞായറാഴ്ച വൈകിട്ട് നാലോടെയാണ് അൻസാരി റോഡിൽ നൃത്തം ചെയ്തത്. ആളുകൾ ചുറ്റം കൂടിനിന്ന് കയ്യടിക്കുന്നുമുണ്ടായിരുന്നു. നൃത്തം ചെയ്യുന്നതിനെതിരെ ചിലർ രംഗത്തെത്തിയതോടെ വാക്കുതർക്കമായി. തുടർന്ന് പൊലീസ് എത്തി രംഗം ശാന്തമാക്കി, അൻസാരിയെ അറസ്റ്റ് ചെയ്തു.ഇൻസ്റ്റഗ്രാമിൽ നിരവധി ഫോളോവേഴ്സ് അൻസാരിക്കുണ്ട്. സൽമാന്റെ പാട്ടുകൾക്ക് നൃത്തം ചെയ്യുന്ന വിഡിയോകളാണ് ഇൻസ്റ്റഗ്രാമിൽ കൂടുതലായി ഇയാൾ പോസ്റ്റ് ചെയ്യുന്നത്.
