ചങ്ങനാശേരി : ചങ്ങനാശേരി ജനറൽ ആശുപത്രിയിൽ ഓക്സിജൻ പ്ലാന്റ് ഉദ്ഘാടന സമ്മേളനത്തിൽ ബിജെപി പ്രതിഷേധം. കേന്ദ്രസർക്കാർ സഹകരണത്തോടെ നടത്തുന്ന പദ്ധതിയിൽ പ്രധാനമന്ത്രിയുടെ പേര് ഒഴിവാക്കിയെന്നും പരിപാടിക്ക് ബിജെപി പ്രതിനിധികളെ ഒഴിവാക്കിയെന്നും ആരോപിച്ചാണ് പ്രതിഷേധം. മന്ത്രി വീണാ ജോർജ് ഉദ്ഘാടന സമ്മേളനത്തിൽ പ്രസംഗിക്കാൻ എഴുന്നേറ്റയുടനാണ് ബിജെപി നേതാവ് ബി.രാധാകൃഷ്ണ മേനോന്റെ നേതൃത്വത്തിൽ പ്രതിഷേധം അറിയിച്ചത്.
