റിയാദ്: സൗദി അറേബ്യയില്‍ ഭൂഗര്‍ഭ ജലസംഭരണിയില്‍ വീണ് 60കാരന്‍ മരിച്ചു. മദീന റീജിയണില്‍ മഹ്ദ് അദ് ദഹാബ് ഗവര്‍ണറേറ്റില്‍ വെള്ളിയാഴ്ചയാണ് സംഭവം ഉണ്ടായതെന്ന് പ്രാദേശിക മാധ്യമങ്ങളെ ഉദ്ധരിച്ച് ‘ഗള്‍ഫ് ന്യൂസ്’ റിപ്പോര്‍ട്ട് ചെയ്തു. മധ്യവയസ്‌കന്റെ കുടുംബം ഇയാളെ കാണാനില്ലെന്ന് അധികൃതരെ വിവരം അറിയിച്ചിരുന്നു. തുടര്‍ന്ന് നടത്തിയ തെരച്ചിലിലാണ് ഇയാള്‍ ജലസംഭരണിയില്‍ വീണ് മുങ്ങി മരിച്ചതായി കണ്ടെത്തിയത്. മൃതദേഹം പിന്നീട് പുറത്തെടുത്തു.
