ന്യൂഡൽഹി : മൂന്നാമതു ക്വാഡ് ഉച്ചകോടിയിൽ പങ്കെടുക്കാൻ 24നു ടോക്കിയോയിൽ എത്തുന്ന പ്രധാനമന്ത്രി നരേന്ദ്ര മോദിക്ക് 40 മണിക്കൂറിനിടെ 23 പരിപാടികൾ. യുഎസ് പ്രസിഡന്റ്, ജപ്പാനിലെയും ഓസ്ട്രേലിയയിലെയും പ്രധാനമന്ത്രിമാർ എന്നിവരുമായി അദ്ദേഹം ചർച്ച നടത്തും.ഒരു രാത്രി ജപ്പാനിൽ ചെലവഴിക്കുന്ന മോദി നയതന്ത്ര പ്രതിനിധികൾ, 30 ജാപ്പനീസ് കമ്പനികളുടെ മേധാവികൾ, നൂറിലേറെ ഇന്ത്യക്കാർ തുടങ്ങിയവരുമായും കൂടിക്കാഴ്ച നടത്തും. ഇന്ത്യ, ജപ്പാൻ, യുഎസ്, ഓസ്ട്രേലിയ എന്നിവയടങ്ങിയ സൈനിക സാമ്പത്തിക സഹകരണ കൂട്ടായ്മയാണു ക്വാഡ്.
