ആലപ്പുഴ: പോപ്പുലർ ഫ്രണ്ട് റാലിക്കിടെ ഒരു കുട്ടി പ്രകോപനപരമായ മുദ്രാവാക്യം വിളിച്ച സംഭവത്തിൽ 18 പേർ കൂടി അറസ്റ്റിൽ. കസ്റ്റഡിയിലെടുത്ത 24 പേരിൽ 18 പേരെയാണ് അറസ്റ്റ് ചെയ്തത്.റാലിയിൽ പങ്കെടുത്തവരാണ് അറസ്റ്റിലായത്. ഇവരെ മജിസ്ട്രേട്ടിന്റെ മുന്നിൽ ഹാജരാക്കും. അതേസമയം പൊലീസ് നടപടിയിൽ പ്രതിഷേധിച്ച് ശനിയാഴ്ച രാവിലെ ആലപ്പുഴ ഓഫിസിലേക്ക് പോപ്പുലർ ഫ്രണ്ട് മാർച്ച് നടത്തും.
സംഭവത്തിൽ ഈരാറ്റുപേട്ട സ്വദേശി അൻസാർ നജീബ്, പോപ്പുലർ ഫ്രണ്ട് ആലപ്പുഴ ജില്ലാ പ്രസിഡന്റ് നവാസ് വണ്ടാനം എന്നിവരെ പൊലീസ് നേരത്തെ അറസ്റ്റ് ചെയ്തിരുന്നു. കുട്ടിയെ ഇത്തരത്തിൽ മുദ്രാവാക്യം വിളിക്കാൻ പഠിപ്പിച്ചത് ആരാണെന്നു കണ്ടെത്താനും പൊലീസ് നീക്കമുണ്ട്.
