കുവൈത്ത് സിറ്റി: കുവൈത്തില്‍ വിവാഹമോചന നിരക്കില്‍ വര്‍ധന. കഴിഞ്ഞ വര്‍ഷം 17,693 വിവാഹങ്ങള്‍ രജിസ്റ്റര്‍ ചെയ്തപ്പോള്‍ 8,041 വിവാഹമോചന കേസുകളാണ് റിപ്പോര്‍ട്ട് ചെയ്തത്. സ്വദേശികളുടെയും വിദേശികളുടെയും ആകെയുള്ള കണക്കാണിത്.
45.44 ശതമാനമാണ് വിവാഹ മോചന നിരക്ക്. ബിദൂനികളുടെ 953 വിവാഹം രജിസ്റ്റര്‍ ചെയ്തപ്പോള്‍ 520 വിവാഹ മോചനങ്ങളും റിപ്പോര്‍ട്ട് ചെയ്തു. വിവാഹമോചനം നടത്തിയവരില്‍ പകുതിയിലേറെ 20-34നും ഇടയില്‍ പ്രായമുള്ളവരാണ്. 2020ല്‍ 41.3 ശതമാനമായിരുന്നു വിവാഹ മോചന നിരക്ക്. 11,261 വിവാഹങ്ങള്‍ രജിസ്റ്റര്‍ ചെയ്തപ്പോള്‍ 4,661 വിവാഹ മോചനങ്ങളാണ് റിപ്പോര്‍ട്ട് ചെയ്തത്.
