ന്യൂഡൽഹി: ബി.സി.സി.ഐ അധ്യക്ഷൻ സൗരവ് ഗാംഗുലിയുടെ രാജി അഭ്യൂഹങ്ങൾക്കിടെ വിശദീകരണവുമായി സെക്രട്ടറി ജെയ് ഷാ. ഗാംഗുലി അധ്യക്ഷ സ്ഥാനം രാജിവെച്ചിട്ടില്ലെന്ന് അദ്ദേഹം വാർത്ത ഏജൻസിയോട് പറഞ്ഞു.
ജീവിതത്തിൽ പുതിയ അധ്യായത്തിന് തുടക്കമിടുന്നു എന്ന ഗാംഗുലിയുടെ ട്വീറ്റ് പുറത്തുവന്നതോടെ ബി.സി.സി.ഐ അധ്യക്ഷസ്ഥാനം രാജിവെച്ചെന്നും രാഷ്ട്രീയത്തിലിറങ്ങാൻ പോകുന്നെന്നുമുള്ള പ്രചാരണം ഉണ്ടായിരുന്നു. ഈ സാഹചര്യത്തിലാണ് സെക്രട്ടറി വിശദീകരണവുമായി രംഗത്തെത്തിയത്. 2019ലാണ് ബി.സി.സി.ഐ അധ്യക്ഷസ്ഥാനത്തേക്ക് ഗാംഗുലി തെരഞ്ഞെടുക്കപ്പെടുന്നത്.
