ചെങ്ങന്നൂർ : സിവില്‍ പൊലീസ് ഓഫിസര്‍ വീട്ടില്‍ ആത്മഹത്യ ചെയ്ത നിലയിൽ. പത്തനംതിട്ട പെരുമ്പെട്ടി സ്റ്റേഷനിലെ ഉദ്യോഗസ്ഥനായ പി.സി.അനീഷാണ് മരിച്ചത്. ഉച്ചയ്ക്ക് ഒന്നരയോടെയാണ് തിരുവന്‍വണ്ടൂരിലെ വീട്ടില്‍ അനീഷിനെ തൂങ്ങിമരിച്ച നിലയില്‍ കണ്ടെത്തിയത്. ജോലിസമ്മര്‍ദം താങ്ങാന്‍ കഴിയുന്നില്ല എന്ന് അമ്മയോട് പറഞ്ഞ ശേഷമാണ് വീടിന്‍റെ മുകള്‍ നിലയിലേക്ക് പോയത്. പിന്നീടു
തൂങ്ങിയനിലയില്‍ കണ്ടെത്തുകയായിരുന്നു. മാനസിക സമ്മര്‍ദത്തിന് ചികിത്സ തേടിയിരുന്നു. അന്വേഷണത്തിനു ശേഷം മാത്രമേ കാര്യങ്ങള്‍ക്ക് വ്യക്തത വരൂ എന്ന് പൊലീസ് അറിയിച്ചു.
