തിരുവനന്തപുരം: ജലവിഭവവകുപ്പ് റോഡുകൾ കുത്തിപ്പൊളിക്കുന്നത് മൂലം പൊതുമരാമത്ത് വകുപ്പിന് പഴി കേൾക്കേണ്ടി വരുന്നുവെന്ന മന്ത്രി മുഹമ്മദ് റിയാസിൻ്റെ പ്രസ്താവന അംഗീകരിച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ . പൊതുമരാമത്ത് മന്ത്രി പറഞ്ഞത് സത്യമാണെന്നും കുത്തിപൊളിച്ച റോഡുകൾ നന്നാക്കാൻ കാലതാമസം എടുക്കുന്നുണ്ടെന്നും അതിൻ്റെ പഴി കേൾക്കുന്നത് മന്ത്രിയുടെ വകുപ്പാണെന്നും റോഷി അഗസ്റ്റിൻ പറഞ്ഞു.പൊതുമരാമത്ത് മന്ത്രിയുടെ പ്രസ്താവനയെ വിമർശനമായി കാണുന്നില്ല. വീഴ്ച്ചകൾ പരിഹരിക്കാൻ ഉത്തരവാദിത്തപ്പെട്ട ഉദ്യോഗസ്ഥര്ക്ക് വീഴ്ച്ച പറ്റിയാൽ കർശന നടപടി സ്വീകരിക്കും.
