തിരുവനന്തപുരം : പ്രതിദിന കോവിഡ് കേസുകള് വർധിക്കുന്ന സാഹചര്യത്തില് മുന്നറിയിപ്പുമായി മുഖ്യമന്ത്രി പിണറായി വിജയൻ. അതീവ ജാഗ്രത പുലര്ത്തണമെന്ന് അദ്ദേഹം നിർദ്ദേശിച്ചു. രണ്ടാം ഡോസ് വാക്സിനേഷന് ഊര്ജ്ജിതമാക്കണം. 12 വയസ്സിനു മുകളിലുള്ള കുട്ടികളുടെ വാക്സിനേഷന് വേഗത്തില് പൂര്ത്തീകരിക്കണം. 60 വയസ്സ് കഴിഞ്ഞവര്ക്കുള്ള ബൂസ്റ്റർ ഡോസ് കൂടുതല് നല്കാനാകണം. ആള്ക്കൂട്ടങ്ങളിലും സ്കൂളുകളിലും മാസ്ക് ഉപയോഗം കര്ശനമാക്കണമെന്നും മുഖ്യമന്ത്രി നിർദ്ദേശിച്ചു.
സംസ്ഥാനത്ത് വ്യാഴാഴ്ച 2,415 പേർക്ക് കോവിഡ് സ്ഥിരീകരിച്ചിരുന്നു. ഏറ്റവും കൂടുതൽ രോഗികൾ എറണാകുളത്താണ്– 796 പേർ. തിരുവനന്തപുരത്ത് 368 പേർക്കും കോട്ടയത്ത് 260 പേർക്കും രോഗം ബാധിച്ചു. തുടർച്ചയായ മൂന്നാം ദിവസമാണ് പ്രതിദിന രോഗികളുടെ എണ്ണം രണ്ടായിരം കടക്കുന്നത്.
