തൃശൂർ : ശനിയാഴ്ച രാത്രി മുഖ്യമന്ത്രി പിണറായി വിജയൻ താമസിക്കുന്ന തൃശൂരിലെ രാമനിലയം സർക്കാർ ഗെസ്റ്റ് ഹൗസിലും കനത്ത പൊലീസ് കാവൽ. ജലപീരങ്കി അടക്കമുള്ള സംവിധാനങ്ങൾ ഒരുക്കി.
കൊച്ചിയില് കറുത്ത മാസ്ക് ധരിച്ചെത്തിയ മാധ്യമപ്രവര്ത്തരോട് അത് നീക്കാന് നിര്ദേശം നൽകിയതും, മുഖ്യമന്ത്രി പങ്കെടുക്കുന്ന പരിപാടിയിൽ കറുത്ത വേഷത്തിന് വിലക്ക് ഏർപ്പെടുത്തിയതും കടുത്ത പ്രതിഷേധത്തിനു വഴിവച്ചിരുന്നു. മുഖ്യമന്ത്രി പോകുന്ന വഴിയില് ഗതാഗതം നിരോധിച്ചു.
പ്രതിഷേധങ്ങള്ക്ക് തടയിടാന് ഇടവഴികളില്പോലും ഗതാഗതം വിലക്കി. അതേസമയം, കറുത്ത മാസ്ക്കിന് വിലക്കില്ലെന്ന് മുഖ്യമന്ത്രിയുടെ ഒാഫിസ് വിശദീകരിച്ചു. കോട്ടയത്തും ജനത്തെ വലച്ചാണു മുഖ്യമന്ത്രി പങ്കെടുക്കുന്ന പരിപാടിക്കായി സുരക്ഷ ഒരുക്കിയത്. കനത്ത സുരക്ഷയിലും കോൺഗ്രസിന്റെയും ബിജെപിയുടെയുടെയും നേതൃത്വത്തിൽ കരിങ്കൊടി പ്രതിഷേധം അരങ്ങേറി.
