മെല്ബണ് : ആഷസ് ടെസ്റ്റ് പരമ്പരയിലെ മൂന്നാം ക്രിക്കറ്റ് ടെസ്റ്റിലും ഇംഗ്ലണ്ടിന് മോശം തുടക്കം. മെല്ബണിലെ ബോക്സിങ് ഡേ ടെസ്റ്റിന്റെ ഒന്നാം ദിവസം ഉച്ചഭക്ഷണത്തിന് പിരിയുമ്പോള് മൂന്ന് വിക്കറ്റുകള് നഷ്ടമായ സന്ദര്ശകര്ക്ക് വെറും 61 റണ്സ് മാത്രമാണ് നേടാനായത്. ഓപ്പണര്മാരായ ഹസീബ് ഹമീദ് 0(10), സാക് ക്രൗളി 12(25), ഡേവിഡ് മലാന് 14(66) എന്നിവരാണ് പുറത്തായത്. ജോ റൂട്ട് 33 റണ്സുമായി ക്രീസിലുണ്ട്. ടോസ് നേടിയ ഓസ്ട്രേലിയ ഇംഗ്ലണ്ടിനെ ബാറ്റിങ്ങിന് അയക്കുകയായിരുന്നു. മടങ്ങിയെത്തിയ ക്യാപ്റ്റന് പാറ്റ് കമ്മിന്സ് ആണ് ഓസ്ട്രേലിയക്ക് വേണ്ടി മൂന്ന് വിക്കറ്റുകളും വീഴ്ത്തിയത്. 27ാം ഓവറില് ഡേവിഡ് മലാന് പുറത്തായതോടെ ലഞ്ച് ബ്രേക്കിന് പിരിയുകയായിരുന്നു. ഇംഗ്ലണ്ട് മൂന്നും ഓസ്ട്രേലിയ രണ്ടും മാറ്റങ്ങളോടെയാണ് കളിക്കാനിറങ്ങിയത്.
ഓപ്പണര് റോറി ബേണ്സിന് പകരം സാക് ക്രൗളി, സ്റ്റുവര്ട്ട് ബ്രോഡിന് പകരം സ്പിന്നര് ജാക്ക് ലീച്ച്, ക്രിസ് വോക്സിന് പകരം മാര്ക് വുഡ് എന്നിവര് ടീമിലിടം നേടിയപ്പോള് ജേ റിച്ചാര്ഡ്സണ് പകരം സ്കോട്ട് ബോലാന്ഡ, മൈക്കല് നീസര്ക്ക് പകരം നായകന് കമ്മിന്സ് എന്നിവര് ഓസീസ് നിരയിലെത്തി. പരമ്പരയില് ഓസ്ട്രേലിയ 2-0ന് മുന്നിലാണ്.
