മസ്കറ്റ്: ബലിപെരുന്നാളിനോട് അനുബന്ധിച്ച് 308 തടവുകാര്ക്ക് മോചനം നല്കി ഒമാന് ഭരണാധികാരി സുല്ത്താന് ഹൈതം ബിന് താരികിന്റെ ഉത്തരവ്. മോചനം ലഭിക്കുന്നതില് 119 പേര് വിദേശികളാണെന്ന് റോയല് ഒമാന് പൊലീസ് അറിയിച്ചു. പെരുന്നാളിന് മുന്നോടിയായി പ്രഖ്യാപിക്കുന്ന ജയില് മോചനത്തിലൂടെ തടവുകാര്ക്ക് അവരുടെ കുടുംബങ്ങളുമായുള്ള ബന്ധം ഊഷ്മളമാക്കാനും സന്തോഷം പങ്കിടാനും കഴിയും.
