ആലപ്പുഴ: പോലീസ് പട്രോളിങ്ങിനിടയിൽ അവശനിലയിൽ കണ്ട കൊക്കിനെ പോലീസ് ജില്ലാമൃഗാശുപത്രിയിലെത്തിച്ചു. ആലപ്പുഴ കൺട്രോൾ റൂം എസ് ഐ മാരായ ഹരിശങ്കർ, ബാലസുബ്രഹ്മണ്യം, എഎസ്ഐമാരായ ബൻസി ഗൾ, റിച്ചാർഡ്, ബിജുമോൻ എന്നിവർ പട്രോളിങ്ങിനിടയിൽ പള്ളാത്തുരുത്തിൽ കാൽ പഴുത്ത് അവശനിലയിൽ കിടന്ന കൊക്കിനെ ജില്ലാ വെറ്ററിനറി കേന്ദ്രത്തിലാണ് എത്തിച്ചത്.
ജില്ലാ മൃഗസംരക്ഷണ ഓഫീസർ ഡോ. ബിന്ദു ഡി എസ്, ഡെപ്യൂട്ടി ഡയറക്ടർ ഡോ. വിനയകുമാർ, ജില്ലാ ചീഫ് വെറ്ററിനറി ഓഫീസർ ഡോ. സനുജ കെ എന്നിവരുടെ സാന്നിധ്യത്തിൽ ഡോ. അഫ്സൽ, ഡോ. ജയകുമാർ എന്നിവർ ചേർന്ന് കൊക്കിന്റെ അഴുകിയ കാൽ മറിച്ചു മാറ്റി ജീവൻ രക്ഷിച്ചു. കൊക്കിനെ പിന്നീട് വനം വകുപ്പിൽ നിന്നും സന്തോഷ് ഏറ്റുവാങ്ങി.
