റിയാദ്: സൗദി അറേബ്യയില് കൊവിഡ് ബാധിച്ചുള്ള മരണം കഴിഞ്ഞ 24 മണിക്കൂറിനിടെ രാജ്യത്തെവിടെയും റിപ്പോര്ട്ട് ചെയ്തിട്ടില്ല. അതെസമയം പുതുതായി 183 പേര്ക്ക് കൂടി കൊവിഡ് ബാധ സ്ഥിരീകരിച്ചു.
ചികിത്സയില് കഴിയുന്നവരില് 298 പേര് സുഖം പ്രാപിച്ചു. ഒരു മരണവും റിപ്പോര്ട്ട് ചെയ്തു. രാജ്യത്ത് ഇതുവരെ റിപ്പോര്ട്ട് ചെയ്ത ആകെ കേസുകളുടെ എണ്ണം 811,217 ആയി. ആകെ രോഗമുക്തരുടെ എണ്ണം 797,745 ആയി ഉയര്ന്നു. ആകെ മരണസംഖ്യ 9,261 ആയി. രോഗബാധിതരില് 4,211 പേരാണ് ചികിത്സയില് കഴിയുന്നത്. ഇതില് 106 പേര് ഗുരുതരാവസ്ഥയിലാണ്. ഇവര് രാജ്യത്തെ വിവിധ ഭാഗങ്ങളിലെ ആശുപത്രികളില് തീവ്രപരിചരണ വിഭാഗത്തില് കഴിയുകയാണ്.
24 മണിക്കൂറിനിടെ 9,552 ആര്.ടി-പി.സി.ആര് പരിശോധനകള് നടത്തി. റിയാദ് 51, ജിദ്ദ 30, ദമ്മാം 13, തബൂക്ക് 6, മദീന 6, മക്ക 6, ത്വാഇഫ് 6, ജീസാന് 6, ബുറൈദ 4, അല്ബാഹ 4, ദഹ്റാന് 4, ഹാഇല് 3, അബ്ഹ 3, നജ്റാന് 3, ഖോബാര് 3, ഹുഫൂഫ് 3, ബല്ജുറൈഷി 3, അറാര് 2, ഖമീസ് മുശൈത്ത് 2, അബൂ അരീഷ് 2, ജുബൈല് 2, ഖര്ജ് 2, എന്നിങ്ങനെയാണ് രാജ്യത്തെ വിവിധ ഭാഗങ്ങളില് പുതിയ കൊവിഡ് കേസുകള് റിപ്പോര്ട്ട് ചെയ്തത്.
