ന്യൂഡൽഹി: സ്റ്റാൻഡ് അപ് കോമഡി ആർട്ടിസ്റ്റ് രാജു ശ്രീവാസ്തവയ്ക്കു ഹൃദയാഘാതം. ജിമ്മിൽ വ്യായാമത്തിനിടെയായിരുന്നു സംഭവം. ഉടൻതന്നെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) പ്രവേശിപ്പിച്ചു. അപകടനില തരണം ചെയ്തതായി മറ്റൊരു സ്റ്റാൻഡ് അപ് കോമഡി ആർട്ടിസ്റ്റായ സുനിൽ പാൽ ഇന്സ്റ്റഗ്രാമിലൂടെ അറിയിച്ചു.ട്രെഡ്മില്ലിൽ വ്യായാമം ചെയ്യുന്നതിനിടെ നെഞ്ചുവേദന അനുഭവപ്പെട്ട് താഴെവീഴുകയായിരുന്നു. അദ്ദേഹത്തിന്റെ ട്രെയ്നർ ഉടൻതന്നെ എയിംസിൽ എത്തിച്ചു. അവിടെവച്ച് രണ്ടുതവണ സിപിആർ നല്കി. നിലവിൽ അദ്ദേഹം നിരീക്ഷണത്തിലാണ്.
