മനാമ: ബഹ്‌റൈനില്‍ ഇതുവരെ വിതരണം ചെയ്തത് പത്ത് ലക്ഷം കൊവിഡ് ബൂസ്റ്റര്‍ ഡോസുകള്‍. ഓഗസ്റ്റ് 19 രാത്രി വരെയുള്ള കണക്കുകള്‍ പ്രകാരം 1,000,279 കൊവിഡ് ബൂസ്റ്റര്‍ ഡോസുകളാണ് രാജ്യത്ത് വിതരണം ചെയ്തത്. ഫൈസര്‍ വാക്‌സിനോ സിനോഫാമോ ആണ് ബൂസ്റ്റര്‍ ഡോസായി നല്‍കിയത്.
രാജ്യത്ത് ആകെ 1,239,882 പേരാണ് കൊവിഡ് വാക്‌സിന്റെ രണ്ട് ഡോസുകള്‍ സ്വീകരിച്ചിട്ടുള്ളത്. 1,224,919 പേര്‍ വാക്‌സിന്റെ ഒരു ഡോസ് എങ്കിലും സ്വീകരിച്ചിട്ടുള്ളവരാണ്. 2020ലെ സെന്‍സസ് പ്രകാരം 17 ലക്ഷമാണ് ബഹ്‌റൈനിലെ ജനസംഖ്യ. 10,396,647 ആര്‍ ടി പിസിആര്‍ ടെസ്റ്റുകളും രാജ്യത്ത് നടത്തിയിട്ടുണ്ട്.
