ഫോർട്ടുകൊച്ചി : ഫോർട്ടുകൊച്ചിയിൽ പുതുവർഷം ആഘോഷിക്കാനെത്തിയ രണ്ടുയുവാക്കൾ പോലീസിനെ ആക്രമിച്ചതായി പരാതി. സംഭവവുമായി ബന്ധപ്പെട്ട് മട്ടാഞ്ചേരി ചുള്ളിക്കൽ സ്വദേശി ഷിനാസ് എന്ന മുഹമ്മദ് സഫീർ (20), ഫോർട്ടുകൊച്ചി ഉബൈദ് റോഡിൽ ദുൽകിഫിൽ (19) എന്നിവരെ ഫോർട്ടുകൊച്ചി പോലീസ് അറസ്റ്റ് ചെയ്തു. ആഘോഷങ്ങൾക്കിടെ പൊതുജനങ്ങൾക്ക് ശല്യമുണ്ടാക്കുന്നതായി പരാതിയുണ്ടായപ്പോൾ സ്ഥലത്തെത്തിയ പോലീസ് ഇവരെ കസ്റ്റഡിയിലെടുക്കുകയായിരുന്നു. ഇതിനിടെ ഇവർ എസ്.ഐ.യെ ആക്രമിക്കുകയാണുണ്ടായതെന്ന് പോലീസ് പറഞ്ഞു. ഒരാൾ എസ്.ഐ.യുടെ കൈയ്ക്ക് കടിക്കുകയും ചെയ്തത്രെ. പ്രതികളെ കോടതി റിമാൻഡ് ചെയ്തു.
