കോഴിക്കോട്∙ ആരാമ്പ്രം അങ്ങാടിയിൽ സൂപ്പർ മാർക്കറ്റിൽ നിന്നും നിരോധിത പുകയില ഉത്പന്നമായ ഹാൻസ് പിടിച്ചെടുത്ത് കുന്ദമംഗലം പൊലീസ്. നരിക്കുനി സ്വദേശി കിഴക്കേകണ്ടി മുഹ്സിൻ (30) സംഭവത്തിൽ അറസ്റ്റിലായി. കുന്ദമംഗലം എസ്ഐ അഷറഫിന്റെ നേതൃത്വത്തിൽ നടന്ന റെയ്‌ഡിൽ 995 പാക്കറ്റ് ഹാൻസ് ആണ് പൊലീസ് പിടിച്ചെടുത്തത്. ചാക്കിൽകെട്ടി സൂക്ഷിച്ചിരിക്കുകയായിരുന്നു. ഇയാൾക്കെതിരെ കൊയിലാണ്ടി സ്റ്റേഷനിലും ഹാൻസ് കൈവശം വെച്ചതിന് കേസുണ്ട്.
എസ്ഐ ജിബിൻ,സിപിഒ എ.സജിത്ത്, എസ്ഐ അബ്‌ദുറഹ്‌മാൻ, എന്നിവരടങ്ങുന്ന സംഘമാണ് പിടികൂടിയത്. കഴിഞ്ഞ ദിവസം സമാനമായ രീതിയിൽ മാവൂരിലും ഹാൻസ് പിടിച്ചെടുത്തിരുന്നു.
