കൊച്ചി : ചാന്സലര് പദവിയിലിരുന്ന് ഗവര്ണര് ആരിഫ് മുഹമ്മദ് ഖാന് തന്റെ ഉത്തരവാദിത്തം ഏറ്റെടുക്കണമെന്ന് പ്രതിപക്ഷനേതാവ് വി.ഡി.സതീശന്. ഗവര്ണര് ഉത്തരവാദിത്തം ഏറ്റെടുത്തില്ലെങ്കില് നിയമനടപടി സ്വീകരിക്കും. നിയമവിരുദ്ധ നടപടിയെടുത്തെങ്കില് വിസിയെ പുറത്താക്കാന് ഗവര്ണര് തയാറാകണം. ഗവര്ണര് വിമര്ശനങ്ങള്ക്ക് അതീതനല്ലെന്നും സതീശന് പ്രതികരിച്ചു. അതേസമയം ഡി ലിറ്റ് വിവാദത്തില് മുന് പ്രതിപക്ഷ നേതാവ് രമേശ് ചെന്നിത്തലയുടെ അഭിപ്രായത്തെ സതീശന് തള്ളിക്കളഞ്ഞു. മുതിര്ന്ന നേതാവായ ചെന്നിത്തലയ്ക്ക് അഭിപ്രായം പറയാം. എന്നാല് താനും കെപിസിസി പ്രസിഡന്റും പറയുന്നതാണ് പാര്ട്ടി നിലപാട്. ഡി ലിറ്റ് വിഷയത്തില് പാര്ട്ടിയില് ഭിന്നതയില്ലെന്നും അദ്ദേഹം പറഞ്ഞു.
