ചങ്ങനാശ്ശേരി : മന്നത്തു പത്മനാഭന്റെ 145-ാം ജയന്തി ആചരണങ്ങളില്‍ പരിശുദ്ധ കാതോലിക്കാ ബാവ പങ്കുചേര്‍ന്നു. ചങ്ങനാശേരി എന്‍.എസ്.എസ്. ആസ്ഥാനത്ത് എത്തി മന്നം സമാധിയില്‍ പുഷ്പാര്‍ച്ചന നടത്തി. മലങ്കര ഓര്‍ത്തഡോക്സ് സഭയും എന്‍.എസ്.എസ്. പ്രസ്ഥാനവുമായുള്ള സുദീര്‍ഘമായ സ്നേഹബന്ധത്തെക്കുറിച്ച് ജനറല്‍ സെക്രട്ടറി ശ്രീ. ജി. സുകുമാരന്‍ നായരുമായുള്ള സൗഹൃദ സംഭാഷണത്തില്‍ അനുസ്മരിച്ചു. സാമൂഹ്യരംഗങ്ങളില്‍ നായര്‍ സര്‍വ്വീസ് സൊസൈറ്റി നടത്തി വരുന്ന ഇടപെടലുകളെ ശ്ലാഘിക്കുകയും മലങ്കര സഭയുടെ ആശംസയും പിന്തുണയും അറിയിക്കുകയും ചെയ്തു.
