എലത്തൂർ (കോഴിക്കോട്)∙ ബെവ്കോ അവധി ദിവസങ്ങളിൽ അനധികൃത മദ്യക്കച്ചവടം നടത്തിയയാള്‍ പിടിയിൽ. എലത്തൂർ സ്വദേശി ആശാരിപ്പുരക്കൽ ഷിനോജിനെ (50) ഡപ്യൂട്ടി പൊലീസ് കമ്മിഷണർ എ.ശ്രീനിവാസ് ഐപിഎസിന്റെ നേതൃത്വത്തിലുള്ള സിറ്റി ക്രൈം സ്ക്വാഡും എലത്തൂർ പൊലീസും ചേർന്നു പിടികൂടുകയായിരുന്നു. 12 കുപ്പി നെപ്പോളിയൻ ബ്രാൻഡ് ഇന്ത്യൻ നിർമിത വിദേശമദ്യവും ചില്ലറ വിൽപ്പന നടത്തിയിരുന്ന മാക്ഡവൽസ് ബ്രാൻഡ് മദ്യവുമാണു പിടികൂടിയത്. പ്രതിയെ എലത്തൂർ സബ് ഇൻസ്പെക്ടർ രാജേഷ് അറസ്റ്റ് ചെയ്തു. അബ്കാരി നിയമപ്രകാരമാണ് കേസെടുത്തിരിക്കുന്നത്.
