വയനാട്: വയനാട് ചീരാലിൽ വളർത്തു മൃഗങ്ങളെ ആക്രമിച്ചു കൊന്ന കടുവയെ മയക്കു വെടിവെച്ച് പിടികൂടാൻ ഉത്തരവ്. പ്രദേശത്ത് കൂടുതൽ കുടുകൾ സ്ഥാപിക്കാനും വനം വകുപ്പ് തീരുമാനിച്ചു. കഴിഞ്ഞ രണ്ടാഴ്ച്ചയിലധികമയി മുണ്ടക്കൊല്ലി, വല്ലത്തൂർ, കരിവള്ളി പ്രദേശങ്ങളിൽ കടുവ ഏഴ് പശുക്കളെയാണ് ആക്രമിച്ചു കൊന്നത്. കടുവ ആക്രമണങ്ങളിൽ പ്രതിഷേധിച്ച് ജനകീയ സമിതിയുടെ നേതൃത്വത്തിൽ ഇന്നലെ ചീരാൽ വില്ലേജിൽ ഹർത്താലും ഫോറസ്റ്റ് ഓഫീസിലേക്ക് പ്രതിഷേധ മാർച്ചും നടത്തിയിരുന്നു.
കടുവയെ മയക്കുവെടി വെച്ച് പിടികൂടണമെന്നാവശ്യപ്പെട്ട് തോട്ടമൂല ഫോറസ്റ്റ് സ്റ്റേഷനിലേക്ക് നാട്ടുകാർ മാർച്ച് നടത്തി. കഴിഞ്ഞ രണ്ടാഴ്ചക്കിടെ 7 പശുക്കളെയാണ് കടുവ കൊന്നത്. കടുവ ഭീതിയിൽ വിറങ്ങലിച്ച് നിൽക്കുകയാണ് ചിരാൽ ഗ്രാമം. നാട്ടുകാർ തോട്ടാമൂല ഫോറസ്റ്റ് സ്റ്റേഷനിലേക്ക് നടത്തിയ മാർച്ചിൽ പ്രതിഷേധമിരമ്പി. സ്ത്രീകളും കുട്ടികളും അടക്കം ആയിരക്കണക്കിന് പേരാണ് മാർച്ചിൽ അണി നിരന്നത്. ചീരാൽ വില്ലേജ് പരിധിയിലാണ് ജനകീയ കൂട്ടായ്മ ഹർത്താൽ ആചരിച്ചത്.
പത്ത് വയസ് പ്രായം തോന്നിക്കുന്ന ആൺ കടുവയാണ് ജനവാസ മേഖലയിലിൽ തമ്പടിച്ചത്. വനം വകുപ്പിൻ്റെ നിരീക്ഷണ ക്യാമറയിൽ പതിഞ്ഞ ചിത്രത്തിൽ നിന്ന് കടുവയുടെ പല്ലിന് പരിക്കുണ്ടെന്നാണ് സൂചന. കടുവയെ പിടികൂടാൻ മൂന്ന് കൂടുകളാണ് മേഖലയിൽ സ്ഥാപിച്ചത്. 5 ഫോറസ്റ്റ് സ്‌റ്റേഷനുകളിൽ നിന്നായി നൂറിലേറെ വനപാലകരെ സ്ഥലത്ത് വിന്യസിച്ചു. സ്ഥിതി രൂക്ഷമായാൽ കുങ്കിയാനകളെ എത്തിച്ച് തിരച്ചിൽ തുടങ്ങും.
വളർത്തു മൃഗങ്ങൾക്ക് നേരെ കടുവയുടെ ആക്രമണമുണ്ടായി. മുണ്ടകൊല്ലി കണ്ണാംപറമ്പിൽ ഡാനിയേലിൻ്റെ പശുവിനെ കൊന്നു. രണ്ട് പശുക്കൾക്ക് പരിക്കേറ്റു. മേഖലയിൽ രണ്ടാഴ്ചയായി കടുവ ശല്യം രൂക്ഷമാണ്. മൂന്ന് വളർത്തുമൃഗങ്ങളെയാണ് ഇതുവരെ കടുവ കൊന്നത്. പ്രതിഷേധവുമായെത്തിയ നാട്ടുകാർ തോട്ടാമൂല ഫോറസ്റ്റ് സ്റ്റേഷൻ ഉപരോധിച്ചിരുന്നു. കടുവയെ പിടികൂടാൻ ഉടൻ കൂട് സ്ഥാപിക്കുമെന്ന് വൈൽഡ് ലൈഫ് വാർഡൻ അബ്ദുൾ അസീസ് നാട്ടുകാർക്ക് ഉറപ്പു നൽകി. നഷ്ടപരിഹാര തുക ഉടൻ ലഭ്യമാക്കുമെന്നും അറിയിച്ചു. വനയോരത്തെ കാട് വെട്ടി തെളിക്കാനും, രാത്രി വനം വകുപ്പിൻ്റെ പട്രോളിംഗ് ശക്തമാക്കാനും തീരുമാനമായി.
ചീരാൽ വില്ലേജ് പരിധിയിൽ രാവിലെ ആറുമുതൽ വൈകീട്ട് ആറു വരെയാണ് ഹർത്താൽ നടത്തിയത്. കഴിഞ്ഞ രണ്ട് ആഴ്ചയ്ക്കിടെ മുണ്ടക്കൊല്ലി, പഴൂർ തുടങ്ങി പ്രദേശത്ത് നിന്ന് ഏഴ് പശുക്കളെയാണ് കടുവ ആക്രമിച്ച് കൊന്നത്. വനം വകുപ്പ് കൂടുകൾ സ്ഥാപിച്ചെങ്കിലും കടുവയെ പിടികൂടാൻ ആയിട്ടില്ല.
